Dikjarazzjoni ta’ privatezza

L-aħħar aġġornament: is-6 ta' Frar 2022

 

Dan is-sit web juża l-cookies u teknoloġiji simili. L-informazzjoni anonima li tinġabar tintuża biss biex tiġi analizzata l-imġiba tal-utenti fuq verb.mt u jittejjeb il-kontenut tiegħu.

X’inhi cookie?

Cookie hija fajl żgħir magħmul minn ittri u numri li nżommu fuq il-brawżer jew il-hard drive tal-kompjuter tiegħek. Il-cookies huma utli għal din is-sit għaliex bis-saħħa tagħhom inkunu nistgħu nosservaw diversi affarijiet, bħal ngħidu aħna kemm-il utent iżur dan is-sit kuljum, liema huma l-aktar verbi li jfittxu l-utenti, eċċ. Tista’ ssir taf aktar dwar il-cookies fuq allaboutcookies.org.

X’inhuma l-cookies li nużaw?

L-ewwel nett, il-cookies jistgħu jkunu jew cookies tas-sessjoni jew cookies persistenti. Fil-każ tal-cookies tas-sessjoni, l-apparat tal-utent ineħħi awtomatikament dawk il-cookies wara li jagħlaq il-brawżer. Min-naħa l-oħra, il-cookies persistenti jibqgħu fuq l-apparat tal-utent għal perjodu ta’ żmien stabbilit.

It-tieni, hemm żewġ tipi ġenerali ta’ cookies: cookies tal-ewwel parti u cookies ta’ partijiet terzi. Il-cookies tal-ewwel parti jiġu servuti direttament minn dan is-sit web lejn l-apparat tal-utent; ġeneralment jintużaw biex jiftakru l-preferenzi u l-għażliet li jagħmel l-utent biex jippermetti l-ibbrawżjar tas-sit. Il-cookies ta’ partijiet terzi jiġu servuti minn fornitur ta’ servizz separat f’isem dan is-sit web; dawn jintużaw b’mod komuni għal skopijiet bħall-analitika tal-web jew ir-reklamar. Dan is-sit web juża kemm cookies tal-ewwel parti (min-naħa ta' Wix.com) kif ukoll ta’ partijiet terzi.

Il-cookies li jintużaw fuq is-sit web tagħna huma l-cookies strettament meħtieġa. Dawn il-cookies temporanji jdumu biss sakemm il-brawżer tal-utent ikun miftuħ, u jintużaw biex iħallu lill-utenti jibbrawżjaw is-sit web tagħna u jużaw il-karatteristiċi tiegħu.

Analitika tal-Web

Aħna nużaw Piwik Pro biex nittraċċaw ix-xejriet ġenerali fl-użu tas-sit web tagħna. Piwik Pro jiġbor biss informazzjoni aggregata, li ma tħallina bl-ebda mod nidentifikaw xi utent fis-sit web tagħna. Għal aktar informazzjoni, jekk jogħġbok żur il-Piwik Pro Help Centre. Għażilna dan is-servizz b'attenzjoni kbira, peress li jirrispetta bis-sħiħ ir-Regolament Ġenerali dwar il-Protezzjoni tad-Data (GDPR).

Google Analytics huwa illegali fl-Unjoni Ewropea, u allura ma nużawhx.

Kif tista’ tagħżel li ma tipparteċipax

Il-biċċa l-kbira tal-brawżers iħalluk tikkontrolla l-cookies permezz tas-settings tagħhom, u f'dak il-każ tista’ titfi l-cookies tagħna fis-settings tal-brawżer tiegħek. Tista’ tħassar ukoll cookies wara li jkunu tqiegħdu fuq l-apparat tiegħek. Jekk titfi jew tħassar il-cookies tagħna, xi partijiet tas-sit web li taċċessa jistgħu jieħdu aktar ħin biex jaħdmu, jew jistgħu ma jaħdmux kif suppost.